Nosework Norge har evaluert instruktørkursa dei siste åra, og vurderer at det er behov for ei større omstrukturering. Instruktørkursa har hatt same pensum og rammer i mange år, samstundes som sporten har utvikla seg med merker, høgare klassar i konkurransar og meir aktivitetar generelt. Innspel frå både deltakarar og kurshaldarane visar at det er ønske om meir fous på til dømes sentrale fagområder som duftspreiing og konvergens, og dei etterspør meir kunnskap og meir «like» kurs, samt betre og tydelegare krav til deltaking på instruktørkursa.
For å sikre god kvalitet på utdanninga, meir lik standard på kursa og betre kvalitetssikring av nye instruktørar, er det vedtatt ei omfattande revidering av struktur, innhald og vurderingsordningar.
Målet er at ny struktur og nye rammer for instruktørkursa er klar til 1. januar 2028, før om mogleg. Fram til då er det kun instruktørane som allereie held instruktørkurs som framleis kan halde instruktørkurs.
I områder med få/ingen instruktørar og lang reiseveg kan NWN gi stønad til reisekostnad for instruktør, for at kurs skal kunne haldast. Dette må søkast om god tid i forvegen og grunngjevast godt.
Målet til NWN er å få ei solid gruppe instruktørar med brei og god kunnskap om Nosework, som er trygge i rolla og motiverte for sporten.